हृदयावरची शकले आता
माझी सारी गळू लागली
मनातली ती आर्त स्पंदने
पुन्हा तिला ही कळू लागली
जीव असा हा आसुसलेला
भावना तिला ही कळू लागली
माझ्या मनीचे बोल अंतरी
साठवून ती हसू लागली
बंध प्रेमाचे आठवून ती
मनात पुन्हा लाजू लागली
मनातली ती आर्त स्पंदने
पुन्हा तिला ही कळू लागली
परत नव्या या जगात माझ्या
भाव ती अंतरी उमजू लागली
मायेच्या त्या विश्वात माझ्या
हर्ष नवा ती जगू लागली
एकच चिंतन माझ्या हृदयी
आता पुन्हा ती साठवू लागली
मनातली ती आर्त स्पंदने
पुन्हा तिला ही कळू लागली
No comments:
Post a Comment